Բարև Ձեզ ։)
Ուրախ ենք Ձեզ տեսնել Bariatria.am հարթակում: Մեր կայքում կգտնեք այն ամենը , ինչը կօգնի Ձեզ մատչելի ինֆորմացիա ստանալ՝
1․ավելորդ քաշի պատճառների,
2․ հետևանքների ,
3․ օգտակար սննդակարգի մասին,
4․ կհաշվեք մարմնի քաշի ինդեքսը,
5․կկարողանաք նաև օգտվել օնլայն խորհրդատվությունից, ստանալ մասնագիտական աջակցություն և անցնել այն ճանապարհը, որն օգնում է արագ ու առողջ կերպով ազատվել ավելորդ քաշից։
Մի խոսքվ կգնեք այն ինչ Ձեզ կօգնի արագ ազատվել ավելորդ քաշից։
Վիրահատությունները կատարում է բժիշկ Վահրամ Խաչատրյանը, ով փորձառու ընդհանուր, բարիատրիկ և պլաստիկ վիրավույժ է։ Նրա փորձն ու մասնագիտացված մոտեցումը օգնում են շատերին վերականգնել իրենց առողջությունն ու բարելավել կյանքի որակը։
Ի՞նչ է ՃԱՐՊԱԿԱԼՈՒՄԸ։
Ճարպակալումը (obesity) քրոնիկ, բարդացումների ռիսկով ուղեկցվող հիվանդություն է, որը բնութագրվում է մարդու օրգանիզմում ճարպային հյուսվածքի չափից ավելի կուտակմամբ։ Այն արդյունք է էներգիայի ընդունման և ծախսի միջև առաջացած անհամապատասխանության՝ երբ մարդը սպառում է ավելի շատ կալորիա, քան այրում է։
Բժշկական տեսակետից ճարպակալումը դասակարգվում է որպես մեթաբոլիկ խանգարում, որն ունի բազմաճյուղ պատճառներ՝ գենետիկ, հորմոնալ, շրջակա միջավայրի, վարքային և սոցիալ-հոգեբանական գործոններ։
Ճարպակալման աստիճանը սովորաբար գնահատվում է մարմնի քաշի ինդեքսով (BMI – Body Mass Index), որը հաշվարկվում է քաշի և հասակի հարաբերությամբ (քաշ [կգ] / հասակ² [մ²])։
1․BMI ≥ 30 – համարվում է ճարպակալում
2․BMI 25–29.9 – ավելորդ քաշ
Ճարպակալումն առանց բուժման կարող է հանգեցնել բազմաթիվ լուրջ հետևանքների, ներառյալ՝
1․Տիպ 2 շաքարային դիաբետ
2․Բարձր զարկերակային ճնշում
3․Սրտանոթային հիվանդություններ
4․Որոշ տեսակի ուռուցքներ
5․Հորմոնալ խանգարումներ
6․Հոգեկան առողջության խնդիրներ (այդ թվում՝ դեպրեսիա, ցածր ինքնագնահատական)
Ճարպակալման բուժումը պահանջում է համալիր մոտեցում՝ ներառելով սննդակարգի փոփոխություն, ֆիզիկական ակտիվություն, վարքագծային թերապիա, որոշ դեպքերում՝ դեղորայքային կամ վիրաբուժական միջամտություն (օրինակ՝ բարիատրիկ վիրահատություններ)։
Ճարպակալումը պարզապես էսթետիկ խնդիր չէ՝ այն լուրջ սպառնալիք է առողջությանը, ուստի դրա կանխարգելումն ու արդյունավետ կառավարումը կարևոր են թե՛ անհատի, և թե՛ հանրային առողջության մակարդակով։
լրացրեք դաշտը
լրացրեք դաշտը
Գիրությունը բարդ և քրոնիկ առողջական վիճակ է, որը բնութագրվում է մարմնի ճարպի ավելցուկ կուտակմամբ: Դա գլոբալ առողջապահական խնդիր է, որը զգալի հետևանքներ ունի ինչպես ֆիզիկական, այնպես էլ մտավոր բարեկեցության վրա: Գիրության զարգացմանը նպաստում են մի քանի գործոններ, այդ թվում՝ գենետիկական, շրջակա միջավայրի և վարքային ազդեցությունները:
Բարիատրիկ հիվանդի համար բժշկական սննդակարգը հիմնականում հարմարեցված է քաշի կորստի, ստամոքսի չափի փոքրացման ու սննդանյութերի մաքսիմալ յուրացման նպատակով։ Ահա բժշկականորեն ընդունված ընդհանուր սննդակարգի փուլերը՝ բարիատիկ վիրահատությունից հետո.
1. Հեղուկների փուլ (0–3 օր)
• Միայն թափանցիկ հեղուկներ՝ ջուր, առանց շաքարի կոմպոտներ, ոչ գազավորված բուլյոններ։
• Խուսափել շաքարից, գազավորված ու կոֆեին պարունակող խմիչքներից։
2. Հեղուկ սննդի փուլ (3–14 օր)
• Ածխաջրերով և սպիտակուցներով հարուստ հեղուկներ՝ սմուզիներ առանց շաքար, սպիտակուցային ըմպելիքներ, մածուններ, առանց շաքարի պուդինգներ։
• Ընդունումը՝ փոքր չափաբաժիններով, հաճախակի։
3. Փափուկ սննդի փուլ (2–6 շաբաթ)
• Բլենդերով աղացած, փափուկ ու մարսվող սնունդ՝ եփած բանջարեղեն, ձուկ, հնդկահավ, խյուսանման ճաշատեսակներ։
• Սպիտակուցը առաջնային է՝ օրական 60–80 գրամ։
4. Սովորական, բայց սահմանափակված սնունդ (6 շաբաթից հետո)
• Վերադարձ սովորական սննդի, սակայն՝ փոքր չափաբաժիններով։
• Խուսափել յուղոտ, բարձր կալորիականությամբ, քաղցր ու ծանր մթերքներից։
• Ուշադիր լինել սննդային հավելումների ընդունման հարցում (B12, երկաթ, կալցիում, վիտամին D և այլն)։
